UmorezkoTB

Hona hemen UmorezkoTB telebista. Umorea ardatz izango du programazio osoan, 12 ordutan. ILARGI AGIRRE, GARIKOITZ GOIKOETXEA, ARAITZ MUGURUZA ETA NEREA ODRIOZOLA aritu gara lan hau egiten. Telebistarako propio egindako bideoak eskuragarri izango dira, eta baita umorea gainezka duten pelikulak egin. Barre on!

Orduz orduko programazioa

15:00 GMT+1 / 03:00 AM. Gure bideoak. Umorea euskal zineman, Euskarazko marrazki bizidunak.

15:10 GMT+1 / 03:10 AM. Monsters.

16:40 GTM+1 / 04:40 AM. Shin Chan: aventuras en Hederland.

17:55 GTM+1 / 05:55 AM. Asterix y Obelix: la sorpresa del Cesar.

19:30 GTM+1 / 07:30 AM. Buscando a Nemo.

21:10 GTM+1 / 09:10 AM. Cantinflas: ahí está el detalle.

22:50 GTM+1 / 10:50 AM. El gran dictador.

00:50 AM. / 12:50 GTM+1. Scary Movie 1.

01:40 AM / 13:40 GTM+1. Mi gran boda griega (ingelesez).


On-demand programazioa
Egun osoan eskuragarri egongo dira telebista honetarako propio egindako bideoak: Umorea euskal zineman eta Euskarazko marrazki bizidunak.

Nor da nor?

Honakoak dira lau pertsonaia ezkutuak:

0. Vladimir Zworykin. Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.

1. Ted Turner. CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.

2. Joxe Mari Iriondo. Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.

3. Ramon Labaien. Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.

Kontzeptuak parekatuz

Hona hemen kontzeptu bakoitzari dagokion definizioa:

1. Bitakora. Iberoamerikan erabiltzen den hitza berriemaileentzako eskuliburuak izendatzeko

2. Klimaxa. Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

3. Close up-a. Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

4. Dolly-a. Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

5. Teleprompterra. Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

6. Ekoizpena. Irratsaio edo telesaio bat egiteko behar diren baliabide finantziero, material eta juridikoez arduratzea.

7. Slow motion. Irudi mugimendua moteltxoago erreproduzitzea.

8. Jingle-a. Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

9. Jirafa. Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

10. Klaketa. Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

2. ataza - Nabarralde kultur elkartea

Hona hemen Garikoitz Goikoetxeak eta Nerea Odriozolak egindako bideolana, Informazioaren teoria eta teknika irratian eta telebistan izeneko irakasgairako.

Leioako canpus berriztua abian

Honatx EHUren Leioako canpusak egun abian diren lanak amaitzean izango duen itxura. Irudiok ikusita, arinduko ahal zaigu lanak medio jasaten ari garen ezinegona! Aldez aurretik, eskerrak Gorka Palazio EHUko irakasleari, harena baita ikusgai dugun bideolana.

Top 7 zerrenda

1. www.eitb.com → Telebistan emandako bideoak eta telebista zuzenean ikus ditzakegu, eta baita irratiko zati aukeratuak edota zuzeneko emisioa entzun ere.
   
2. www.rtve.es → Aurreko atariaren bidetik, honek ere irratia eta telebista biltzen ditu, eta informazioa ardatz duten bideoak eta audioak ikusi eta entzuteko aukera eskaintzen du.
   
3. www.argia.com/bideoak/ → Argia astekarian kaleratzen dituzten elkarrizketa eta erreportajeen inguruko bideoak jartzen dituzte eskuragarri.
   
4. www.berria.info/berriatb/ → Berria egunkariaren atari berrituan hainbat bideo jartzen hasi dira. Baliabide gutxirekin ere zer-nolako bideoak egin daitezkeen ikusteko baliagarria.
   
5. arrosasarea.org → Euskal Herriko 21 irrati biltzen dituen sarearen ataria. Irrati horietan egindako hainbat saio entzuteko aukera ematen du, eta baita irrati horien atarietara sartzeko lotura ere. Atari horietako batzuetan ere irratia entzun daiteke.
   
6. www.youtube.com → Milaka bideo aurki ditzakegu atari horretan, eta horien artean baita gure irakasgaia aztertzeko baliagarriak direnak ere.
   
7. www.euskaltube.com → Aurreko atariaren antzekoa da hori ere, baina euskarazko bideoak dira nagusi. Gure irakasgairako materialak euskaraz aurkitzea nekezagoa da.

Txolarre irratia

Tolosaldeko (Gipuzkoa) euskarazko irratia da Txolarre, 2000. urtean sortua. Irrati librea da, eta, hortaz, borondatez aritzen dira lagun asko saioak-eta egiten. Hala ere, eguneroko programazioa aurrera ateratzeko, badira lan ordaindua egiten duten lagunak ere.

Eskualde mailakoa izaki, irrati txikia da Txolarre. Horregatik, erakundeen laguntza beharrezko du gastuei aurre egiteko. Horrez gain, bestelako finantza-iturriak bilatzen ditu: publizitatea, jaietako txosnak, emanaldiak...

Irratiko saio nagusiena astelehenetik ostiralera 11:00etatik 14:00etara egiten den Tolosaldeko ahotsa saioa da. Eskualdeko albisteak jorratzen dituzte, eta baita erreportajeak eta elkarrizketak ere. Sail finkoak ere badituzte: eskualdeko eguraldia, herri kirolak, bertsolaritza... Hainbat eragileren kolaborazioak ere izaten dituzte astero: EHNE, Etxerat, Tolosaldeko Bilgune Feminista... Asteburuetan, berriz, Hitzak hegan saioa eskaintzen dute. Kazetaritza gustuko duten eskualdeko gazteek egiten dute saioa, eta kolaboratzaile ugari dituzte. Programazioa Arrosa irrati sareko programekin osatzen dute. Euskal Herriko hainbat irrati txiki biltzen ditu sare horrek, eta programak elkartrukatzen dituzte elkarren artean.

Tolosaldeko 28 herrietan entzun daiteke txolarre FM 107.5 eta FM 101.2 frekuentzietan. Anoetan du egoitza nagusia. Web-gunea ere badute, zuzeneko programazioa eta elkarrizketa zenbait entzuteko aukera eskaintzen duena, besteak beste: http://213.195.77.68